Uzuni realizon gol ndaj Malagas

23:00 | 20 Shtator 2024
D.H

Myrto Uzuni ka gjetur rrugën e rrjetës për herë të dytë radhazi këtë sezon me Granadën.

Sulmuesi shqiptar shënoi në sfidën kundër Malagës në La Liga 2.

Në minutën e 77’, mbrojtësi kundërshtar nuk largoi mirë një top nga porta e miqve, që u përplas më pas me Uzunin dhe shkoi drejt rrjetës, me sulmuesin e kombëtares shqiptare që kaloi sërish në avantazh ekipin e tij.

Por ky gol nuk mjaftoi për të fituar ndeshjen pasi deri në fund pasi Malaga barazoi sërish.

Ndeshja përfundoi me rezultat 2-2.

Ky është goli i dytë radhazi për 29-vjeçarin kuqezi, i cili duket se ka rigjetur sërish formën e tij me Granadën, pas një starti jo mjaft të mirë në La Liga 2./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm